НАЈДОБАР САМИТ КОНГРЕС ИЛИ КОНФЕРЕНЦИЈА

На 31 март во Скопје се одржа првата конференција „Чувари на мудроста“ на која говореа успешни стопанственици, уметници, културни работници, професори, новинари. Тие дискутираа на интересни теми за значењето на професионалната надградба и кариерниот развој, економијата, претприемништвото, значењето на културната едукација. 
Целната публика беа пред сè млади луѓе, младински граѓански организации, студенти, млади претприемачи, млади дизајнери, културни работници итн. 
Конференцијата се одвиваше во три дела, односно три панели: економија, култура и комуникации. 
Целта на конференцијата беше да одговори на низа прашања на кои наидуваат младите по патот на градењето на професионалната кариера. Да придонесе за поквалитетен развој во областите во кои делуваат. 
Мудроста, искуството и успехот кои ги дефинираa панелистите отворија низа прашања и одговори важни за сечиј развој. 

ПИН е единствена меѓународна музичка конференција и изложбен фестивал на територијата на Македонија. Од првото издание во 2012 година, ПИН е дел од офф-програмата на Таксират Фестивал и има за цел да ги постави домашната и регионалната музичка сцена на светската мапа, воедно претставувајќи ги кај нас европските артисти во подем, најдобрите практики и новитетите, важни за културниот развој на Македонија. Конференцијата веќе има изградено своја заедница на врвни професионалци од музичката индустрија низ цела Европа и постојано расте, а во 2022 ја доби наградата „Најдобар нов настан“ од страна на реномираниот британски фестивал „Грејт Ескејп“.