2023

Publicis Groupe  е еден од 3-те најголеми маркетинг холдинзи во светот. Канцеларијата на Публицис кај нас функционира преку 27 години и е еден од лидерите во маркетинг индустријата во Македонија. Публицис е “one stop shop” што подразбира дека покриваме најширок спектар на маркетинг услуги и ги нудиме сите клучни комуникациски решенија: медиски закуп, ПР, стратешко планирање, креативни стратегии, дигитални и СМ кампањи, SEO, аудио и видео продукција итн. А нашиот оддел за настани нуди и комплетно смислување и техничка реализација на какви било настани и активации – почнувајќи од теренски промоции од мали размери, се до настани за десетици илјади посетители.

Виз Ер Скопски маратон е најголемиот спортски настан во Македонија кој во 2022 година го имаше своето 18-то издание со 8700 учесници од 47 земји од целиот свет, поделени во 4 трки (маратон, полумаратон, штафетен маратон и трка на 5км). Виз Ер Скопскиот маратон веќе години наназад е на мапата на светски маратони за што има и сертификат од АИМС (Меѓународна Асоцијација за маратони и улични трки) и Светска Атлетика, и привлекува голем број странски натпреварувачи со што се зголемува туристичката понуда на Скопје и Македонија. Во изминатите години Виз Ер Скопскиот маратон придонесе за популаризација на трчањето и се поголем број наши граѓани да се бават со трчање, а исто така поттикна во другите градови во Македонија да почнат да се организираат улични трки. Виз Ер Скопскиот маратон е во организација на Сојуз на спортови Скопје, а е помогнат од Град Скопје, Агенција за млади и спорт, Канцеларијата на ЕУ во Скопје и од голем број на компании од државата.